«Արեւահովիտ»ը պիտի գործէ վերկուսակցական և վերխմբային սկզբունքով, տուրք չտալով հատուածական շահերուն՝ հանուն հայկական պետականութեան կայացման ու հզօրացման, ազգային միասնական հանրութեան ձեւաւորման, հայ ժողովուրդի հոգեւոր-մշակութային արժէհամակարգի վերականգնման։ Այս հարթակ մըն է, որ կը տրամադրուի Հայաստանի ապագայի, արտերկրի հայութեան խնդիրներու և հոգեւոր-մշակութային զարգացման հարցերով մտահոգ, եւ իրենց հնարաւորութիւններու սահմաններուն մէջ աջակցութեան պատրաստակամութիւն ունեցող անհատներու, կազմակերպութիւններու, խումբերու՝ պարզապէս ազատ խօսելու, քննարկելու, իրավիճակի վերաբերեալ գնահատականներ տալու և ամենակարեւորը՝ միասնական լուծումներ առաջարկելու, իրականացնելու, լոբբինգի և աջակցութեան այլ քայլեր կազմակերպելու համար։ Գործունէութեան ընդլայնման եւ աշխուժացման հետզհետէ աճի հետ մէկտեղ «Արեւահովիտը» կը վերածուի հետազօտական, համակարգային բարեփոխումներու եւ գործնական համագործակցութեան համազգային խիստ անհրաժեշտ կեդրոնի: «Արեւահովիտ»ն ունենալու է բազմազան ձեւաչափ և բազում գործառոյթներ: Հարթակը կը կազմակերպուին թեմատիկ խորհրդաժողովներ, աշխատանքային խումբերու քննարկումներ, սեմինարներ, հանդիպումներ բոլոր այն ուժերու ներկայացուցիչներուն հետ, որոնց կը յուզէ մեր երկրի ու ողջ հայութեան ապագան: Աշխուժօրէն կը կիրառուին հեռավար ZOOM, վիտէօ/ձայնային այլ ժամանակակից ճարտարագիտական հնարաւորութիւններ։ «Արևահովիտ»ի գործունէութեան հիմնական աշխատանքային միջավայրը կ’ըլլայ այդ նպատակով ստեղծուող համացանցային մասնագիտացուած կայքը (հաղորդակցման կեդրոնը՝ Hub-ը), որը կը ներառէ նորութիւններու, հաղորդագրութիւններու, տեսանիւթերու, կարեւոր հետազօտութիւններու արդիւնքներու, գործարար նոր համագործակցութիւններու, առաջարկներու, անոնց իրականացման ընթացքի, փաստաթուղթերու եւ իրաւական կարգաւորման գծով կարեւոր նիւթերու ստեղծման ու պահպանման հանրային մատչելի գրադարան: Ան կը ծառայէ նաեւ որպէս նոր գաղափարներու ընդհանրացման, ծանօթութիւններու հաստատման, գաղափարներու տարածման և իրացման, սխալներու կանխարգիլման հարթակ: